Mnuih ƀun ti Gia Lai kpưn đĭ kyua prăk mơ̆ng hdră êlan klei bi đru
Thứ tư, 10:53, 17/07/2024
VOV TAYNGUYEN
VOV TAYNGUYEN
VOV4.Êđê- Leh 10 thŭn hlue ngă asăp mtrŭn mơ̆ng Êpul khua kiă kriê bruă Đảng kơ klei “Hyuă kjăp hĭn klei Đảng kiă kriê hlăm bruă brei čan prăk hlue hdră êlan bi đru”, dŭm êtuh êbâo čô mnuih mâo čan ti čar Gia Lai tlaih leh mơ̆ng klei dleh dlan”.
Truh ară anei, klei brei čan prăk mơ̆ng hdră êlan bi đru truh leh hŏng dŭm să krĭng taih kbưi, krĭng čư̆ čhiăng hlăm kluôm čar Gia Lai. Ênoh leh brei čan jih jang giăm 16.500 êklai prăk, hŏng êbeh 500 êbâo gŏ êsei ƀun, lehanăn phung mâo tŭ mă klei đru dưi čan prăk. Hlăm ênoh anăn, mnuih djuê ƀiă jing truh mkrah.
Mơ̆ng anăn, hnơ̆ng ênoh gŏ êsei ƀun, giăm ƀun ti Gia Lai hrŏ leh mơ̆ng 23% thŭn 2014 trŭn adôk êbeh 8% ară anei. Prăk mơ̆ng keh bi đru anei đru leh jăk hlăm bruă knŭk kna kñăm bi hrŏ ƀun hŏng klei kjăp, lehanăn bruă mkŏ mkra krĭng ƀuôn sang mrâo, mđĭ kyar klei hdĭp hlăm krĭng mnuih djuê ƀiă lehanăn čư̆ čhiăng ti Gia Lai.
Viết bình luận