Hŏng klei mđing mơ̆ng bruă sang čư̆ êa lehanăn phung mâo ai tiê kmah, ai êwa mơak hruê mlan pŭr dôk lar truh kơ phung hđeh ti dŭm krĭng ƀuôn sang hlăm Dak Lak. Hlăm ai êwa anei, phung hđeh Dak Lak mâo leh dŭn bruă ngă mđing truh kơ ƀĭng găp ti krĭng êa lip lêč.

Ti ƀuôn prŏng Ƀuôn Ama Thuôt, dŭm sang hră amâo mkŏ mjing knăm mơak hruê mlan pŭr, yua prăk anăn blei hdruôm hră mơĭt kơ phung hđeh dŭm čar kwar Dưr. Bruă mtrŭt mjhar hdră đru kơ mnuih ƀuôn sang hmăi mơ̆ng klei yan adiê ngă ăt dôk lar ti dŭm sang hră. Dŭm hnư mnơ̆ng, klei đru mguôp mơ̆ng phung hđeh ti Dak Lak khădah amâo lu ôh ƀiădah anei jing klei khăp, sa ai mđing truh kơ ƀĭng găp krĭng êa lip. Anei ăt jing bruă ngă tŭ yuôm, mjuăt bi hriăm ai tiê hgŭm mguôp, knhuah gru “Hla hmum luôm hla tĭ” jăk siam mơ̆ng djuê ana drei./.