Anei jing thŭn tal 2 Êpul hgŭm ƀĭng ngă lŏ hma gưl dlông Việt Nam mkŏ mjing ruah 100 čô ƀĭng ngă lŏ hma Việt Nam êdah êdi, ăt jing gưl tal êlâo Êpul hgŭm ƀĭng ngă lŏ hma Việt Nam mkŏ mjing ruah čiăng bi mni kơ 63 êpul hgŭm bruă êdah êdi kluôm ala.

Nao leh anăn blŭ hrăm hlăm knăm bi mni, Khua hlăm phŭn bruă kđi čar, K’iăng khua bruă kƀĭn ala Trần Thanh Mẫn mtă, Êpul hgŭm ngă lŏ hma brei mđĭ klei hâo hưn, mtô mblang kơ phung knuă druh, phung ngă lŏ hma, êpul hgŭm bruă lŏ hma kơ hdră êlan, hdră mtrŭn mơ̆ng Đảng, hdră êlan, hdră bhiăn mơ̆ng Knŭk kna, boh nik kơ bruă lŏ hma, ƀĭng lŏ hma, krĭng ƀuôn sang, djŏ tuôm kơ klei dưi, bruă klam phung ngă lŏ hma. Lar bra ktang mnuih jăk bruă jăk, čiăng kơ dŭm gŏ sang mkra mjing mnia blei mbruă, êpul hgŭm bruă lŏ hma tŭ jing kmeh gơ̆ng mđĭ kyar bruă duh mkra- ala ƀuôn ti dŭm krĭng ƀuôn sang kluôm ala.