Gŏ sang Điểu Thắng, mnuih djuê ana M’Nông, ti alŭ Tân Bình, să Dak Ngo, kdriêk Tuy Đức, čar Dak Nông mâo 5 čô ƀiădah knŏng mâo mă 1 čô mă bruă phŭn. Mô̆ ñu ruă êbuh, anak êkei êdeh drăm ară anei amâodưi mă brư. Điểu Thắng adôk mâo 2 čô anak mniê thŭn anei 15 thŭn leh anăn 16 thŭn, dôk hriăm adŭ 9 ti sang hră gưl 2 leh anăn gưl 3 Lê Hữu Trác, să Dak Ngo. Thŭn hriăm mrâo, nai kiă adŭ nao truh kơ sang čiăng trŭt mjhar phung hđeh nao sang hră leh anăn hưn kơ dŭm klei đru mơ̆ng knŭk kna. Điểu Thắng brei thâo, dŭm thŭn êgao, kyua mâo dŭm hdră đru mơ̆ng Đảng, mơ̆ng knŭk kna kơ phung hđeh sang hră dleh dlan, dua čô anak mniê nu mâo klei găl nao sang hră, amâo mâo kbiă sang hră.

 “Gŏ sang kâo dleh dlan êdi, kyua mâo klei uêñ mĭn mơ̆ng Đảng, knŭk kna, sang hră, đru kơ phung anak kâo prăk huă ƀơ̆ng, anôk dôk, prăk êrô êbat. Kâo ăt gĭr mđĭ ai phung anak gĭr nao sang hră, thâo boh hră, thâo mkă tĭng čiăng kơ klei hdĭp êdei dih tlaih mơ̆ng klei dleh dlan”.