Nao ti knăm anei mâo phung khua kiă kriê Anôk bruă sang čư̆ êa čar, phung khua dŭm knơ̆ng, dhar bruă lehanăn 250 čô đoàn viên êdam êra bi ala kơ êbeh 90 êbâo čô êdam êra ti alŭ wăl.

Klei bi kƀĭn dưi mkŏ mjing hŏng ai êwa jăk, kpă mngač, phung khua dŭm anôk bruă djŏ tuôm wĭt lač leh klei êmuh mơ̆ng phung êdam êra kơ hdră mlih mrô. Phung êdam êra hlăm čar mâo leh dŭm klei êmuh djŏ tuôm kơ hdră: Bruă klam mơ̆ng phung êdam êra kơ hdră mlih mrô, hdră mtrŭn đru mjuăt bi hriăm, bruă mă kơ phung êdam êra hlăm hdră mlih mrô, bruă duh mkra mrô. Nguyễn Tuấn Hà, K’iăng khua Anôk bruă sang čư̆ êa čar Dak Lak tĭng dlăng: dŭm klei blŭ mơ̆ng phung êdam êra ti anôk bi kƀĭn klă mngač, bi êdah klei mđing mơ̆ng phung êdam êra hŏng dŭm bruă yuôm bhăn djŏ tuôm kơ hdră duh mkra mrô, bi mlih mrô ti alŭ wăl./.