Ti anăp klei luč liê, ênguôt hnĭng leh anăn bih jhat kjham angĭn êbŭ mrô 3 ăt msĕ mơh adiê hjan angĭn êbŭ ngă hŏng mnuih ƀuôn sang ti dŭm čar nah Dưr, Anôk dlăng bruă êdam êra čar Kon Tum iêô mthưr jih jang phung hlăm êpul mâo êbeh 33 êbâo čô êdam êra hlăm čar đru mguôp kơ mnuih ƀuôn sang msir mgaih boh jhat angĭn êbŭ ngă.

Hŏng ai tiê bi khăp bi đru, gưl đru mguôp mâo bruă êdam êra čar Kon Tum ngă mơ̆ng ară anei truh jih hruê 15/9. Leh knăm pŏk ngă hŏng ai tiê kmah jih jang phung knuă druh hlăm anôk dlăng bruă êdam êra čar Kon Tum mđding đru kơ mnuih ƀuôn sang krĭng êa lip nah Dưr.