Tlam 10/9, Kơiăng khua knơ̆ng bruă sang mđung asăp blŭ Việt Nam Vũ Hải Quang nao mđĭ ai, đru 10 êklăk prăk kơ gŏ sang Thiếu tá kahan ksiêm Trần Quốc Hoàng, knuă druh Anôk bruă gak răng Sang mnă Quảng Ninh djiê êjai ngă bruă mdrơ̆ng hŏng angĭn êbŭ Yagi.

Mlam 7/9, Thiếu tá Trần Quốc Hoàng jhŏng nao pŏk ƀăng jang đuê̆ mjêč ti nah tluôn čiăng kơ êa hlăm wăl sang mnă đoh kbiă ti tač, rơ̆ng klei êđăp ênang kơ ƀĭng kahan lehanăn phung mnă ƀiădah kyua êa prŏng, êtăng snăn leh pŏk ƀăng, êa hlŏng kpuh mđuê̆ thiếu tá Hoàng, ñu djiê êjai dôk ngă bruă klam. Mlam anăn, nao hlăm hdră mdrơ̆ng hŏng angĭn êbŭ mbĭt hŏng ƀĭng kahan mkăn, Thượng uý Nguyễn Đình Khiêm djiê. Mbĭt hŏng klei nao čuă, mđĭ ai lehanăn ji juh 2 gŏ sang, Kơiăng khua knơ̆ng bruă Vũ Hải Quang đru leh 10 êklăk prăk kơ găp djuê 2 čô kahan ksiêm djiê anei./.