Hlăm boh 70m² mrâo leh klia lehanăn dôk mprăp mŭt hlăm wưng ngă leh ti ƀuôn Bôn Chơ Ma, să Ia Trôk, kdriêk Ia Pa, čar Gia Lai, amai Siu Shin Cha, 25 thŭn, hơ̆k mơak. Amai brei thâo, boh sang anei kruăk knăl hdră duh mkra mơ̆ng gŏ sang, mơ̆ng sa gŏ sang ƀun ară anei tlaih leh kơ ƀun klă sĭt. Hluê si Amai Siu Shin Cha, klei găl truh hŏng gŏ sang ñu hlăk thŭn 2020, ñu čan 50 êklăk prăk mơ̆ng Knơ̆ng prăk đru ba yang ƀuôn.

"Mâo prăk čan anei gŏ sang mâo klei găl mđĭ kyar bruă duh mkra. Gŏ sang blei 2 drei êmô ana mđai, rông mâo 8 drei leh lehanăn dưi mdơ̆ng sa boh sang kjăp. Prăk čhĭ êmô gŏ sang kâo lŏ dưi duh kơ bruă pla mjing, pla ana hăt, blei êde

h kang.

Klei čiăng tlaih kơ ƀun mơ̆ng gŏ sang Rơ Chăm Hà, kkiêng thŭn 1962, ti alŭ Hbel, să Ia Kdăm ăt dưi bi mlih leh mâo prăk čan đru ba yang ƀuôn. Gŏ sang 5 čô knŏng dôk hlăm sa boh sang 24m² dưi mdơ̆ng mơ̆ng prăk đru lehanăn 2 sao lăn lŏ. Djăp klei bi liê hlăm sang jưh knang hlăm klei hiu mă bruă mưn amâo hơĭt. Gĭr ktưn tlaih kơ ƀun, thŭn 2021, gŏ sang Hà čan leh 50 êklăk prăk mơ̆ng Knơ̆ng prăk đru ba yang ƀuôn hluê êpul bruă čan prăk hlăm să. Ñu yua prăk anei blei 2 drei êmô lehanăn ba yua lăn huâng djiêu sang pla rơ̆k. Dŭm adôk ñu mưn yua lăn arăng pla hbei ƀlang čiăng mđĭ hnư hrui wĭt. Ară anei, Hà amâo djŏ knŏng tlaih ƀun ƀiădah lŏ mâo klei hdĭp trei mđao, djăp ênŭm hĭn:

"Tal êlâo kâo blei 6 drei ŭn, hlăk anăn rông djiê mơh mkrah wah. Leh kơnăn kâo lŏ rông gưl tal 2 truh 18 drei. Čhĭ ŭn mâo prăk mguôp mkra sang, blei thiăm 4,4 sao lăn čiăng pla mjing, đa ngă mdiê, pla ana hăt. Hnư hrui wĭt hơĭt mơh, mâo prăk đru rông ba anak aneh.

Trần Ánh Tôn, Khua knơ̆ng prăk đru ba yang ƀuôn kdriêk Ia Pa, čar Gia Lai brei thâo: Ti kdriêk Ia  Pa, mâo giăm 2.200 gŏ sang ƀun, lu jing mnuih djuê ƀiă. Čiăng rơ̆ng 100% gŏ sang ƀun dưi čan hŏng ênoh prăk mnga hdjul, 168 êpul mkiêt mkriêm lehanăn čan prăk ti 9 anôk bruă pŏk leh hdră ksiêm bi mklă lehanăn đru kơ mnuih ƀun dưi čan prăk, pral bi leh hră mơar akâo čan. Mơ̆ng thŭn 2021 truh kơ ară anei, mâo leh 6.610 gŏ sang tlaih ƀun kyua ba yua tŭ dưn prăk čan.

“Adŭ bruă brei čan prăk mđing djăp klei găl mâo duh kơ 3 hdră bruă bi hrŏ ƀun, đru kơ mnuih ƀun, giăm ƀun tlaih ƀun hơĭt kjăp. Čiăng rơ̆ng kơ êpul mnuih anei amâo kƀah prăk bi liê, tơdah mâo klei čiăng, anôk bruă srăng mjing klei găl kơ mnuih ƀuôn sang dưi čan prăk, pral duh kơ hdră duh mkra mnia mblei ti alŭ wăl. Tĭng truh kơ ară anei, ênoh nư mơ̆ng 3 hdră bruă tlaih kơ ƀun truh êbeh 166 êklai prăk hŏng 3.900 čô čan, truh 36,7% ênoh kluôm nư”

Trong 10 năm tỉnh Gia Lai  thực hiện Chỉ thị 40-CT/TW 2024 mơ̆ng Anôk kriê dlăng bruă Đảng kơ bruă mđĭ hĭn klei kiă kriê mơ̆ng Đảng hŏng hdră brei čan prăk, mâo leh 156.000 gŏ êsei ƀun ti čar dưi čan prăk, hŏng 7.600 êklai prăk. Mơ̆ng anăn, 55.600 gŏ sang tlaih ƀun. Prăk đru dlăng ba yang ƀuôn jing boh kdrŭt yuôm bhăn čiăng kơ Gia Lai mkŏ mkra êbeh 242 êbâo hdră êa doh lehanăn êbeh 3 êbâo boh sang kơ gŏ êsei ƀun ti dŭm să dleh dlan. Hluê si klei tĭng dlăng bruă Đảng čar Gia Lai, hdră brei čan prăk jing leh “Boh kdrŭt” đru kơ phung knŭk kna dlăng ba lehanăn mnuih kƀah hlăm čar mđĭ kyar bruă duh mkra, mđĭ klei hdĭp, đru bi hrŏ ƀun hơĭt kjăp. Anei ăt jing boh kdrŭt yuôm bhăn hlăm wưng ti anăp, đru mguôp hlăm hdră mkŏ mkra krĭng ƀuôn sang mrâo, mđĭ kyar bruă duh mkra – ala ƀuôn krĭng mnuih djuê ƀiă lehanăn čư̆ čhiăng ti čar Gia Lai./.