VOV4.Êđê - Thiếu tá lĭng kahan Lê Thị Minh Thủy (Êpul ksiêm mkă čih kač rup hla kak hlăm êa ksĭ leh anăn ksiêm hriăm kơ êa ksĭ, Anôk bruă đru kčĕ lĭng kahan) mbĭt hŏng lĭng kahan čih mkra dŭm êtuh hla kak êa ksĭ mrô; mkra mjing tur knơ̆ng mrô kơ lăn ala leh anăn mkŏ mjing hla kak kơ rup ti gŭ êa ksĭ. Dŭm bruă anei amâo djŏ knŏng čiăng mâo klei djŏ klă đuč ôh ƀiădah lŏ mâo bruă klam yuôm bhăn, đru mguôp răng mgang klei dưi hlăm êa ksĭ, plao kssĭ čar kwar.

VOV4.Êđê - Knơ̆ng bruă sang čư̆ êa čar Dak Lak mrâo mâo Hdră kčah dăp prăk bi liê nao čhưn leh anăn mđup brei mnơ̆ng kơ dŭm êpul, phung mă bruă hlăm gưl Tết Nguyên Đán Giáp Thìn 2024.

VOV4.Êđê- Mbĭt hŏng dŭm hdră êlan, hdră bi hrŏ ƀun mơ̆ng Đảng, Knŭk kna, čar Gia Lai iêô jak leh jih bruă kđi čar pŏk ngă lu hdră msir djŏ guôp hŏng boh sĭt grăp alŭ wăl, đru kơ gŏ êsei ƀun mđĭ kyar mkra mjing, mđĭ prăk hrui wĭt, mđĭ klei hdĭp, kyua anăn ênoh gŏ êsei ƀun dưi hrŏ mơ̆ng grăp thŭn. Hjăn thŭn 2023, kluôm čar mâo êbeh 9000 gŏ êsei tlaih ƀun, hlăm anăn mâo êbeh 8000 gŏ êsei mnuih djuê ƀiă, ba bruă bi hrŏ ƀun ti čar mâo klei tŭ dưn lu hĭn hnơ̆ng kčah

VOV4.Êđê- Ti Klei bi kƀĭn Êpul hgŭm bruă Sinh viên Việt Nam tal XI mrâo mkŏ mjing hlăm mlan 12 thŭn êgao, lu phung bi ala bi êdah klei čang hmăng, klei mĭn mơ̆ng phung sinh viên Việt Nam hlăm hdră mkŏ mkra lehanăn răng mgang Ala čar. Čang hmăng lehanăn mâo klei mĭn mrâo čiăng mkŏ mkra Êpul hgŭm gưl dlông kjăp ktang.

VOV4.Êđê- Kyua mâo klei mđing hlăm hdră mđĭ kyar Đảng, hnơ̆ng tŭ phung Đảng viên mrâo mŭt jing mnuih djuê ƀiă ti kdriêk Lăk, čar Dak Lak ƀrư̆ hruê dưi mkra mđĭ. Klei anei amâo djŏ knŏng bi kjăp anôk bruă nah gŭ, mđĭ klei thâo kiă kriê, klei ngă bruă mŏng Anôk bruă Đảng lehanăn đảng viên ƀiădah lŏ đru mtrŭt mđĭ kyar bruă duh mkra – ala ƀuôn, mkra mđĭ klei hdĭp mnơ̆ng dhơ̆ng, ai tiê kơ mnuih ƀuôn sang.

VOV4.Êđê- Hlue si hdră mĭn tĭng klei bi kƀĭn mjêč tal 5, Bruă kƀĭn ala ksiêm dlăng bi mklă mơ̆ng hră čih Hdră bhiăn lăn ala (lŏ mlih mrâo). Khădah snăn, Knơ̆ng bruă duh mkra mơ̆ng bruă kƀĭn ala lač: Hnơ̆ng bruă mă prŏng, wưng mjêč, bruă hưn hŏng Bruă kƀĭn ala bi mklă jing lông dlăng. Khua bruă kƀĭn ala Vương Đình Huệ snăn mñă klă: Amâo dưi lui ôh bruă bi mklă hră čih Hdră bhiăn lăn ala (lŏ mlih mrâo).

VOV4.Êđê- Hŏng hdră kñăm amâo mâo mlih mrâo, thŭn 2023, bruă ktuê dlăng mơ̆ng bruă kƀĭn ala dưi pŏk ngă hrăm mbĭt, kluôm, Bruă kƀĭn ala yua leh lu hdră ksiêm dlăng mơ̆ng Gưl dlông dưi kčah msĕ si: Ksiêm dlăng klei hưn mdah mơ̆ng dŭm anôk bruă knŭk kna, êmuh leh anăn wĭt lač klei êmuh, ksiêm dlăng akŏ, mă hră đăo knang;… mjing klei lar bra kơ ai tiê ngă bruăm đru mguôp mjing klei bi mlih kluôm kơ klei thâo săng, bruă klam mơ̆ng dŭm gưl, dŭm dhar bruă leh anăn dưi ktuê dlăng. Hruê anei, bi hdơr 78 thŭn hruê Ruah khua kluôm mơ̆ng bruă kƀĭn ala tal êlâo 6/1, hdră hruê anei mâo klei čih lŏ dlăng wĭt bruă ktuê dlăng thŭn 2023 mơ̆ng Bruă kƀĭn ala.

VOV4.Êđê- “Krĭng mâo lu mnuih djŏ drao ruă dioxin” jing anăn mâo lu mnuih ƀuôn sang hlăm alŭ wăl mưng leh pia krĭng tač êdeh phiơr A So, să Đông Sơn, kdriêk A Lưới, čar Thừa Thiên Huế. Hlăm ênuk bi blah, tač êdeh phiơr A So tŭ lu klei truh jŭ jhat mơ̆ng drao ruă dioxin. Mơ̆ng sa krĭng “Mâo lu” anôk chŏ djhan kyua drao ruă dioxin, tač êdeh phiơr A So ară anei jing leh sa krĭng lăn doh, siam, êđăp ênang, đru kơ mnuih ƀuôn sang bi h’ĭt klei hdĭp lehanăn mđĭ kyar bruă duh mkra.

VOV4.Êđê - Hlăm wưng êgao, bruă mđĭ kyar Đảng viên jing phung mâo klei đăo ti čar Dak Lak mâo leh klei tŭ năng mđĭ ai, đru bi mlih klei mĭn đảng viên, mđĭ bruă klam gĭt gai, ai ktang gang mkhư̆ mơ̆ng dŭm êpul bruă đảng. Mơ̆ng anăn ai ktang bi hgŭm dŭm djuê ana, klei đăo ƀrư̆ dưi mđĭ, đru gang mkhư̆ klei mĭn măk ƀai mơ̆ng phung roh ăt mjhua kơ bruă klei đăo čiăng kah mbha, ngă luč klei bi hgŭm djuê ana.

VOV4.Êđê- Ti anôk bi kƀĭn tal 6, Anôk bruă kƀĭn ala gưl XV leh êgao, mâo leh mmông ksiêm dlăng kơ klei “Pŏk ngă bruă hluê ngă dŭm Hdră mtrŭn mơ̆ng Anôk bruă kƀĭn ala kơ dŭm Hdră bruă ala čar kñăm. Ti dŭm čar hlăm krĭng Lăn dap kngư, klei bi kƀĭn knhal jih thŭn 2023 ăt mđing kơ bruă anei. Klei anei brei ƀuh, mơ̆ng gưl dlông truh kơ alŭ wăl dôk mđing ruh mtlaih klei dleh dlan, gun kpăk, đru kơ klei pŏk ngă dŭm Hdră bruă ala čar kñăm ba wĭt klei tŭ dưn, djŏ wưng kčah, mjing klei đăo knang lehanăn klei hdĭp yâo m’ak kơ mnuih ƀuôn sang.