VOV4.Êđê - Aguah mbruê (14/12), Bruă Đảng čar Dak Nông mkŏ mjing knăm ksiêm wĭt 10 thŭn hlue ngă hdră mkŏ mjing êpul phŭn hlăm krĭng mnuih djuê ƀiă leh anăn bi mni kơ phung êdah êdi.

VOV4.Êđê- Kñăm mprăp djăp ênŭm mnơ̆ng hŏng klei čiăng mŏng mnuih ƀuôn sang blei mprăp, Anôk bruă sang čư̆ êa čar Dak Lak pŏk hdră bi h’ĭt ênoh hlăm ưăl anôk blei mnia dŭm mta mnơ̆ng yua hlăm wưng knhal jih thŭn 2024 lehanăn Têt djuê ana Giáp Thìn 2024.

VOV4.Êđê- Mmông mơ̆ng ară anei truh kơ tết adôk knŏng ƀiă, tơdah bruă Kƀĭn ala mâo klei kƀĭn êngao hdră ti knhal krah mlan 1/2024. Čiăng mtrŭt mđĭ bruă mprăp, Dhar bruă kƀĭn ala dưi bi kƀĭn thiăm dŭm klei kƀĭn amâo mâo djŏ tuôr.

VOV4.Êđê- Aguah 12/12, Êpul bi ala bruă kƀĭn ala čar Gia Lai mkŏ mjing Klei bi kƀĭn bi tuôm hŏng phung bi ala kơ mnuih ƀuôn sang leh klei bi kƀĭn tal năm, Bruă kƀĭn ala gưl XV ti să Ia Hrŭ, kdriêk Čư̆ Pah.

VOV4.Êđê- Hŏng ênoh prăk duh êbeh 408 êbâo êklai prăk, 3 Hdră bruă ala čar kñăm dưi dlăng msĕ si hdră mtrŭn pŏk êlan čiăng kơ mnuih ƀuôn sang tlaih kơ ƀun leh êbeh 2 thŭn hluê ngă mâo leh dŭm boh tŭ năng čih yap. Khă snăn, boh tŭ ksiêm dlăng mŏng Anôk bruă kƀĭn ala hưn mdah mrâo anei ti Klei bi kƀĭn tal 6 lač klă, truh ară anei, găn leh êbeh mkrah wah ktuê êlan, hdră mkŏ mjing lehanăn hluê ngă tuôm hŏng lu klei dleh dlan. Lu anôk, dŭm phŭn, dhar bruă ăt dôk mtŭk mtŭl, dleh hlăm klei hluê ngă 3 hdră kñăm ala čar anei ngă kơ bruă mkăp ngăn prăk êmưt, hlăk mâo dŭm alŭ wăl mâo prăk ƀiădah “Amâo thâo yua” akâo lŏ jao wĭt prăk kơ knŭk kna. Ya ngă mâo klei anei?

VOV4.Êđê- Mơ̆ng hruê 5-10/12, ti čar Khammouan, kwar Krah Lào, Êpul hgŭm Việt Nam-Lào ƀuôn prŏng Hồ Chí Minh bi hgŭm hŏng Sang hră gưl prŏng mdrao mgŭn Phạm Ngọc Thạch leh anăn Knơ̆ng bruă kơ mnuih Việt Nam ti ala tač êngao ti ƀuôn prŏng Hồ Chí Minh mkŏ mjing bruă ksiêm dlăng, pŏk ngă leh anăn mđup brei mnơ̆ng kơ mnuih Việt Nam hdĭp mda ti ala tač êngao leh anăn mnuih ƀuôn sang mâo klei dleh dlan tinei.

VOV4.Êđê- Hlăm hruê kăm êgao, dŭm čar Lăn Dap Kngư mkŏ mjing klei bi kƀĭn Êpul gơ̆ng bruă ƀuôn sang knhal jih thŭn kƀĭn ksiêm dlăng boh tŭ hlue ngă bruă klam mđĭ kyar bruă duh mkra- ala ƀuôn thŭn 2023, hdră tă, bruă klam thŭn 2024. Klei hưn mdah hlăm klei bi kƀĭn brei ƀuh lu klei dleh dlan, dŭm hnơ̆ng kčah bruă duh mkra ala ƀuôn hlăm krĭng wăl amâo djăp hdră kčah. Hlăm klei bi kƀĭn anei, phung bi ala bi trông, klă mngač ksiêm dlăng kơ boh tŭ thŭn 2023, mguôp klei blŭ kơ hdră kñăm đĭ kyar thŭn 2024.

VOV4.Êđê - Aguah 8/12, Êpul mă bruă mơ̆ng Phŭn bruă lŏ hma leh anăn mđĭ kyar krĭng ƀuôn sang mâo K’iăng Khua phŭn bruă Nguyễn Quốc Trị ngă Khua êpul nao êmuh, bi juh hŏng gŏ sang knuă druh răng mgang dliê hlăm Wăl dliê knŭk kna mkuôm Ea Sô (Dak Lak) arăng mnah djiê hlăk êjai ngă bruă klam.

VOV4.Êđê- Tlam mbruê 7/12, ti sang bruă Khua lăn čar, k’iăng Khua lăn čar Võ Thị Ánh Xuân gĭt gai leh klei kƀĭn Êpul gơ̆ng đru kơ keh prăk kyua phung hđeh Việt Nam hmư̆ klei hưn mdah hluê ngă bruă klam mơ̆ng keh prăk hlăm thŭn 2023 leh anăn ba mdah hdră êlan thŭn 2024.

VOV4.Êđê- Nao ti krĭng čư̆ čhiăng Kon Chiêng, kdriêk Mang Yang, lač kơ khua mduôn Hip snăn grăp čô khăp sơaĭ leh anăn mpŭ. Hŏng ai tiê kpă ênô leh anăn thâo khăp, khua mduôn Hip atăt ƀuôn sang hgao klei dleh dlan čiăng mâo klei hdĭp trei mđao, mâo lu hdră ba yua djŏ klă, mbruă hdră êlan Ðảng, knŭk kna, hdră bhiăn hlăm klei hâo hưn, mtrŭt mjhar đru kơ ƀuôn sang bi mlih klei mĭn, hdră ngă čiăng gĭr ktưn tlaih ƀun. Ñu dưi bi hmô msĕ si sa drei čim atăt êlan kơ êpul ti alŭ wăl.