VOV4.Êđê - Lŏ dơ̆ng Klei bi kƀĭn tal 6, hruê kăm êgao, Dhar bruă gĭt gai Anôk bruă kƀĭn ala brei leh klei blŭ kơ klei čih mkra Hdră mtrŭn ksiêm dlăng kơ bruă “ Pŏk hluê ngă dŭm hdră mtrŭn mơ̆ng Anôk bruă kƀĭn ala kơ Hdră bruă ala čar kñăm mkŏ mkra krĭng ƀuôn sang mrâo wưng thŭn 2021-2025, bi hrŏ ƀun h’ĭt kjăp wưng thŭn 2021-2025, mđĭ kyar bruă duh mkra ala ƀuôn krĭng mnuih djuê ƀiă lehanăn krĭng čư̆ čhiăng wưng thŭn 2021-2030". Dhar bruă gĭt gai Anôk bruă kƀĭn ala brei mđing ruh mtlaih klei dleh dlan kơ phŭn mkăp prăk kơ 3 Hdră bruă ala čar kñăm.

VOV4.Êđê - Aguah mbruê (17/11), Êpul hgŭm mnuih lŏ hma Dak Lak mkŏ mjing Knăm hưn mthâo sang mnia čhĭ mnơ̆ng lŏ hma Dak Lak hluê êlan online ti wăl anôk mnia mblei điện tử chonongsandaklak.vn.

VOV4.Êđê- Aguah mbruê(16/11), ti Hà Nội, Phŭn bruă mnuih mă bruă -kahan êka êkeh leh anăn ala ƀuôn bi hgŭm hŏng dŭm Phŭn, dhar bruă djŏ tuôm mkŏ mjing Klei bi kƀĭn ksiêm wĭt, ksiêm dlăng boh klei hlue ngă dŭm Hdră mtrŭn mơ̆ng Khua Knŭk kna kơ hđeh điêt.

VOV4.Êđê- Aguah 16/11, Êpul mă bruă mơ̆ng Anôk dlăng bruă knuă gưl dlông mâo Phan Đình Trạc - Khua hlăm Phŭn bruă kđi čar, Khua dlăng bruă Đảng gưl dlông, Khua Anôk dlăng bruă knuă nao hlăm knăm mơak jih jang djuê ana bi hgŭm ti ƀuôn Ó, să Ia Sao, kdriêk Ia Grai, čar Gia Lai.

VOV4.Êđê- Gŏ sang jing sa kdrêč mơ̆ng ala ƀuôn, jing anôk knang kơ ai tiê leh anăn mnơ̆ng dhơ̆ng kơ grăp čô mnuih, jing anôk čiăng kơ grăp čô mnuih dưi bi êdah klei khăp, klei kah mbha hdơ̆ng pô; gŏ sang lŏ jing anôk tŭ mă, răng kriê leh anăn mđĭ lar ênoh yuôm dhar kreh mơ̆ng đưm ƀuôn sang, lăn čar. Dŭm hnơ̆ng čuăn jăk siam msĕ si klei khăp kơ ala čar, ƀuôn sang, bi kah mbha, bi đru, sĭt suôr, hdơr knga, kreh kriăng, mbruă hlăm bruă knuă, kjăp hgao klei dleh dlan, lông dlăng… dưi mkŏ mjing, mđĭ kyar leh anăn ksŭl mbŭ hlăm grăp gŏ sang.

VOV4.Êđê- Ti čar Quảng Bình, phung mniê krĭng čư̆ čhiăng ăt lač truh thŭn brŭ êra snăn brei dôk ung, kkiêng anak yơh. Tơdah hlăm gŏ sang mâo lu anak snăn brei mđing kơ anak êkei nao sang hră, bi mniê brei mă bruă ti sang. Amâo djŏ knŏng amâo mtăp mđơr hlăm gŏ sang ôh, phung mniê lŏ klam lu klei kthŭl mluk msĕ si tơdah dôk ung, kkiêng anak lu čiăng mâo mnuih mă bruă, amâo dưi bi trông, bi mklă bruă yuôm bhăn hlăm gŏ sang leh anăn êpul êya. Čiăng ƀrư̆ lăm lui klei amâo mtăp mđơr êkei mniê, msir mgaih klei amâo jăk hŏng phung mniê, hđeh điêt, hlăm wưng êgao, Êpul hgŭm phung mniê dŭm gưl čar Quảng Bình hrăm mbĭt mkŏ mjing knăm hưn mdah êpul hâo hưn êpul êya ti dŭm kdriêk čư̆ čhiăng.

VOV4.Êđê- Bruă sang čư êa čar Kon Tum mrâo mâo klei bi klă hưn mdah boh klei mjêč hŏng hdră mgaih msir klei klưh hroh, jhat rai ti êlan dơ̆ng mrô 647 mrâo Yaly – alŭ Tam An, să Sa Sơn – Ya Mô, ƀuôn Rẽ, să Mô rai leh anăn hdră mgaih msir knơ̆ng kdơ̆ng êa Đăk Ngao 1, kdriêk knông lăn Sa Thầy.

VOV4.Êđê- Lŏ dơ̆ng hdră klei bi kƀĭn plah wah 2 gưl mơ̆ng Klei bi kƀĭn tal 6, hruê anei (16/11) Dhar bruă kƀĭn ala brei klei blŭ hlăm lu boh phŭn yuôm bhăn. Hlăm anăn mâo hlak mblang, tŭ mă, mkra mlih hră čih Hdră bhiăn lăn ala (mlih mrâo) leh anăn hră čih hdră bhiăn Sang dôk (mlih mrâo).

VOV4.Êđê- Bi mlih mrâo hdră lehanăn mta phŭn mtô mblang jing sa hlăm dŭm hdră ngă mơ̆ng kdriêk čư̆ čhiăng Nam Đông, čar Thừa Thiên Huế čiăng mđĭ boh tŭ hdră hâo hưn, mtô mblang kơ hdră bhiăn êlan klông kơ phung hđeh hriăm hră ti alŭ wăl čar.

VOV4. Êđê-Dŭm thŭn giăm anei, klei thâo săng hluê ngă kjăp hdră bhiăn êlan klông mơ̆ng dŭm phung hđeh, boh nik hŏng phung hđeh gưl 2 – gưl 3 ka rơ̆ng kjăp. Ti kdriêk krĭng dlông Bắc Yên čar Sơn La, klei phung hđeh ka djăp thŭn, amâo mâo hră dưi mgăt êdeh ƀiădah ăt đĭ êdeh nao sang hră, amâo đua đuôn mgang kŏ, mdiăng 3, đĭ liŏ pral… jing klei mâo amâo djŏ ƀiă ôh ti dŭm ktuê êlan mơ̆ng kdriêk Bắc Yên. Mŭt hlăm thŭn hriăm mrâo 2023-2024, êpul kahan ksiêm dlăng êlan klông mơ̆ng Anôk bruă kahan ksiêm kdriêk Bắc Yên bi hgŭm leh hŏng dŭm sang hră ti alŭ wăl mtrŭt mđĭ hdră hâo hưn, mtô mblang kơ hdră bhiăn êlan klông kơ phung hđeh hriăm hră.