VOV4.Êđê- Kdriêk Kbang, čar Gia Lai mâo ênhă giăm 1êbâo ha ana makka, lu êdi ti čar Gia Lai, hlăm anăn, mâo 250 ha dôk hlăm wưng hrui pĕ, hŏng hnơ̆ng mâo giăm 180 tohn hlăm thŭn 2021. Ênhă ana makka ară anei hlăk dưi pla pluă, ba wĭt boh tŭ ba yua kơ ênhă lăn ngă lŏ hma, mâo ba wĭt boh tŭ êdah kdlưn hĭn mkă hŏng êlâo adih. Anei ăt jing hdră êlan mđĭ kyar bruă duh mkra kơ mnuih ƀuôn sang ti kdriêk Kbang, boh nik hŏng mnuih ƀuôn sang djuê ana Bahnar. Mã Xuân Tình, Khua adŭ bruă lŏ hma mđĭ kyar krĭng ƀuôn sang kdriêk Kbang brei thâo, hlăm dŭm thŭn ti anăp, hnơ̆ng mâo makka ti Kbang srăng đĭ pral kyua ênhă makka mprăp hrui pĕ boh srăng mđĭ hnơ̆ng mâo boh./.

Pô mblang: H’Nêč Êñuôl