VOV4.Êđê - Aguah hruê 28-6, K’iăng Khua Knơ̆ng bruă sang čư̆ êa čar Nguyễn Hữu Tháp nao ksiêm dlăng boh klei hla hbei ƀlang tŭl ti să Đăk Năng, ƀuôn prŏng Kon Tum. Ti ƀuôn prŏng Kon Tum ƀuh klei mnơ̆ng ngă tŭl hla hbei ƀlang, hŏng ênhă hlăm brô 187 ha, ti 7 să, ƀuôn hgŭm. Să Đăk Năng jing alŭ wăl mâo ênhă mâo mnơ̆ng ngă lu hĭn hŏng 140 ha, hlăm anăn mâo 3 ha kjham hŏng hnơ̆ng mnơ̆ng ngă êbeh 70%.

Dưi thâo, anei jing klei mnơ̆ng ngă dưi bi mklă kyua kman ngă, tưp lar pral. Mơ̆ng ksiêm dlăng, K’iăng Khua Knơ̆ng bruă sang čư̆ êa čar Nguyễn Hữu Tháp mtă kơ Knơ̆ng bruă lŏ hma leh anăn mđĭ kyar krĭng ƀuôn sang, dŭm anôk bruă đru kơ mnuih ƀuôn sang msir mgaih, đru gang mkhư̆ klei hla hƀei ƀlang tŭl. Hŏng ênhă mâo kjham brei čuh hwiê djŏ hdră mnêč; hŏng ênhă mâo mnơ̆ng ngă ƀiă, buič hwiê dŭm ana mâo mnơ̆ng ngă ba čuh čiăng mkhư̆ klei tưp lar.

H Zawut pô mblang