Klei hưn mơ̆ng knơ̆ng bruă kiă kriê bruă knuă čar Dak Nông, anôk bruă anei mơĭt leh klei hưn mdah truh kơ bruă sang čư̆ êa čar Dak Nông kơ 6 čô k’iăng khua knơ̆ng bruă bi klă mdei êlâo kơ jih thŭn hluê hdră mtrŭn mrô 178/2024/NĐ-CP mâo Lê Quy, k’iăng khua knơ̆ng bruă kiă kriê bruă knuă, Trần Ngọc Lâm, k’iăng khua knơ̆ng bruă mkŏ mkra, Nguyễn Ngọc Luỹ, k’iăng khua knơ̆ng bruă hdră êlan leh anăn duh bi liê, Nguyễn Văn Phò, k’iăng khua knơ̆ng bruă ngăn prăk, Phạm Văn Mạnh, k’iăng khua knơ̆ng bruă êlan klông leh anăn dŭ mdiăng, Lưu Văn Đặng, k’iăng khua knơ̆ng bruă kreh knhâo leh anăn mrâo mrang.

Hluê si knơ̆ng bruă kiă kriê bruă knuă Dak Nông, čar mâo leh hdră êlan bi ruĕ bruă 10 êpul bruă Đảng, anôk bruă gưl čar, bi mbŭt 10 knơ̆ng bruă jing 5 knơ̆ng bruă. Jih 6 čiăng k’iăng khua knơ̆ng bruă akâo mdei êlâo kơ jih thŭn tal anei dôk hlăm dŭm knơ̆ng bruă mâo čar Dak Nông srăng bi mŭt mbĭt hlăm wưng kơ anăp.