Lŏ dơ̆ng klei bi kƀĭn tal 44, hruê 23/4, Dhar bruă kƀĭn ala brei klei blŭ kơ dŭm hră čih Hdră mtrŭn hlăm klei bi kƀĭn kơ anăp, hlăm anăn mâo bruă bi hrŏ jia prăk hrui wĭt ênoh mnơ̆ng dhơ̆ng đĭ  kơ 6 mlan knhal jih thŭn 2025 leh anăn jih thŭn 2026; mbĭt anăn ksiêm dlăng klei hưn mdah kơ bruă ksiêm dlăng; hră čih Hưn mdah klei blŭ mguôp, klei akâo mơ̆ng phung bi ala kơ mnuih ƀuôn sang leh anăn yang ƀuôn mơĭt kơ Klei bi kƀĭn tal 9, Bruă kƀĭn ala gưl XV. Mơ̆ng thŭn 2022 truh jih mlan 6 thŭn anei, Bruă kƀĭn ala bi mklă hrŏ 2% ênoh jia hrui wĭt hŏng lu mta mnơ̆ng dhơ̆ng, hdră bruă.

Kñăm mđĭ mkra mjing, mnia blei, mđĭ blei yua, ngă hdră kñăm đĭ kyar mâo 8% kơ dlông, Knŭk kna lŏ dơ̆ng hưn mdah hră čih Hdră mtrŭn mơ̆ng Bruă kƀĭn ala kơ klei bi hrŏ jia đĭ kơ 6 mlan knhal jih thŭn 2025 leh anăn jih thŭn 2026. Klă klơ̆ng pŏk mlar dŭm mta dưi hrŏ 2% ênoh jia  prăk hrui wĭt hŏng mnơ̆ng dhơ̆ng, hdră bruă duh kơ bruă mkra mjing, mnia blei, hiu čhưn ênguê, blei yua.