Hdră mtrŭn mrô 68 mâo mta kñăm truh kơ thŭn 2030 lehanăn hnơ̆ng trah dlăng truh kơ thŭn 2045 ba hdră duh mkra êngao knŭk kna đĭ kyar pral, hơĭt kjăp; pral nao hgŭm hlăm hdră pla mjing, mkăp mnơ̆ng dhơ̆ng kơ tar rŏng lăn; mâo ai bi ktưn hlăm krĭng lehanăn tar rŏng lăn. Gĭr ktưn truh kơ thŭn 2045 mâo ƀiă êdi 3 êklăk anôk bruă duh mkra ngă bruă, đru mguôp êbeh 60% GDP.

Blŭ hrăm ti anôk bi kƀĭn, Khua knŭk kna Phạm Minh Chính hưn mdah 8 bruă klam, hdră msir bi êdah ai tiê bi mlih, sa ai hlăm hdră mă bruă, krŭ wĭt ai tiê ktưn hưn djuê ana, mjing boh kdrŭt mđĭ kyar bruă duh mkra êngao knŭk kna. Khua knŭk kna mñă, anei jing bruă klam mrô sa, mâo boh tŭ yuôm bhăn, dôk čiăng klei sa ai mơ̆ng kluôm anôk bruă kđi čar, anôk bruă duh mkra lehanăn Mnuih ƀuôn sang kơ bruă klam, kơhưm mơ̆ng hdră duh mkra êngao knŭk kna hlăm anôk bruă duh mkra./.