Anei jing bruă ngă kñăm bi hdơr  80 thŭn hrue kgŭ krŭ kdơ̆ng mlan 8 (19/8/1945 – 19/8/2025) lehanăn 135 thŭn hrue kkiêng khua gĭt gai Hồ Chí Minh (19/5/1890 – 19/5/2025). 33 čô đảng viên mda asei kdlưn hĭn mơ̆ng dŭm boh kdriêk, wăl krah, ƀuôn prŏng, lehanăn dŭm êpul êya hlăm čar nao hlăm klei bi mni anei.

Diñu jing phung mâo leh dŭm boh tŭ dưn hlăm bruă ksiêm duah klei kreh knhâo, bruă mđĭ kyar klei duh mkra ala ƀuôn, bruă rŭ mjing bruă knuă, bruă dŭm êpul êya, bruă lĭng kahan lehanăn bruă răng mgang klei êđăp ênang, bruă mkŏ mkra krĭng ƀuôn sang mrâo, lehanăn răng mgang wăl hdĭp mda. Ngă bruă bi mni kơ đảng viên mda asei mâo bruă kdlưn hĭn jing wưng anôk bruă êdam êra čar lŏ mđĭ ai phung mda asei đru bi kjăp êpul bruă  êdam êra, dưi yua thŭn mda asei pô bi mguôp hlăm klei rŭ mdơ̆ng, răng mgang lăn čar. Daklak hlăk dôk đĭ kyar kreh dhar ênuk mrâo./.