Bi mŭt Anôk bruă hâo hưn mtô mblang leh anăn Anôk bruă čung ba mnuih ƀuôn sang bruă Đảng čar Lâm Đồng
Thứ bảy, 08:12, 18/01/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Aguah 17/1, Bruă đảng čar Lâm Đồng mkŏ mjing leh klei bi kƀĭn hưn mdah Hdră mtrŭn bi mŭt Anôk bruă hâo hưn mtô mblang leh anăn Anôk bruă čung ba mnuih ƀuôn sang bruă Đảng čar Lâm Đồng. Anei jing êpul bruă dưi bi mŭt, bi khuăt tal êlâo mâo hưn mdah mơ̆ng čar Lâm Đồng.
Leh bi mŭt Anôk bruă hâo hưn mtô mblang leh anăn Anôk bruă čung ba mnuih ƀuôn sang bruă Đảng čar, êpul mnuih mă bruă hlăm Anôk bruă hâo hưn mtô mblang leh anăn Anôk bruă čung ba mnuih ƀuôn sang bruă Đảng čar Lâm Đồng mâo 5 anôk bruă gưl adŭ bruă, mâo sa adŭ bruă leh anăn 4 adŭ bruă thơ̆ng, hŏng ênoh 31 čô.
Hlăm anăn, mâo sa čô khua, 3 čô k’iăng khua anôk bruă, 5 adŭ bruă thơ̆ng. Tôn Thiện Đồng, Khua Anôk bruă Đảng čar, Khua gĭt gai bruă Đảng ƀuôn prŏng Bảo Lộc mâo ba nao leh anăn ruah brei ngă Khua Anôk bruă hâo hưn mtô mblang leh anăn čung ba mnuih ƀuôn sang bruă Đảng čar Lâm Đồng; Huỳnh Minh Hải, Lê Minh Quang leh anăn Nguyễn Thị Mỵ ngă K’iăng Khua anôk bruă.
Viết bình luận