Anei jing boh phun lač hlăm Klei bi kƀĭn ksiêm wĭt bruă knuă thŭn 2024, pŏk ngă bruă klam thŭn 2025. Thŭn 2024, ênoh mnơ̆ng dhơ̆ng čar đăo tĭng mâo 141.326  êklai prăk, đĭ êbeh 16% mkă hŏng thŭn 2023. Prăk hrui wĭt ba čhĭ kơ ala tač êngao mâo êbeh 1,8 êklai USD, đĭ giăm 24% mkă hŏng thŭn êlâo, êbeh 15% hdră kčah. Mbĭt anăn, prăk hrui wĭt kah knar mơ̆ng čar đăo tĭng êbeh 72 êklăk prăk/čô, êbeh hnơ̆ng kčah jing 68 êklăk prăk/čô.

Dak Lak lŏ dơ̆ng mđing hlăm bruă klei êđăp ênang ala ƀuôn. Ênoh gŏ êsei ƀun hrŏ leh lu, mơ̆ng êbeh 9% knhal jih thŭn 2023 adôk 6% hlăm knhal jih thŭn anei. Thŭn 2025, Dak lak kčah hdră kñăm bruă duh mkra mâo 8%.  Khua Knơ̆ng bruă sang čư̆ êa čar Dak Lak Phạm Ngọc Nghị mtă kơ dŭm alŭ wăl mđĭ lar ai tiê đua klam, mâo hdră msir kñăm ngă tŭ dưn hdră kčah thŭn 2025, truh hdră kñăm hlue ngă hnơ̆ng kčah bruă klam mơ̆ng Hdră mtrŭn Klei bi kƀĭn bruă Đảng čar ral XVII.