Êpul nao ksiêm klei mă bruă hlăm alŭ wăl duh mkra Hòa Phú, Alŭ wăl duh mkra  Phú Xuân lehanăn anôk dôk rŭ mdơ̆ng sang êa drao prŏng Buôn Hồ. Blŭ hrăm ti anôk ksiêm dlăng, khua bruă Đảng čar Đắk Lắk Lương Nguyễn Minh Triết mñă hŏng dŭm anôk duh mkra mđĭ hĭn bruă klam pô, jih ai tiê duh mkra, mjing bruă knuă mă kơ lu mnuih.

Lương Nguyễn Minh Triết mtă kơ knơ̆ng bruă sang čư̆ êa čar gĭt gai dŭm knơ̆ng bruă ruh mgiah klei dleh dlan. Mkra bi leh dŭm êlan phŭn mŭt hlăm alŭ wăl duh mkra, dŭm bruă mkăp êa doh, lehanăn mghaih msir êa djah, pral hrŏng ruah pô rŭ mkra alŭ wăl duh mkra  Phú Xuân.