Mta phŭn klei kƀĭn mđing kơ hdră ksiêm dlăng bruă gĭt gai pŏk ngă Asăp mtrŭn mrô 01 mơ̆ng Phŭn bruă kđi čar kơ bruă tui ksiêm hriăm, hyuă kjăp, pŏk hluê ngă Hdră mtrŭn Klei bi kƀĭn tal 14 mơ̆ng Đảng lehanăn Asăp mtrŭn mrô 46 mơ̆ng Phŭn bruă kđi čar kơ hdră kiă kriê gưl ruah phung bi ala bruă kƀĭn ala gưl 16 lehanăn ruah Êpul gơ̆ng bruă ƀuôn sang dŭm gưl wưng thŭn 2026 - 2031.

Leh hmư̆ klei hưn mơ̆ng Anôk dlăng bruă Đảng kahan krĭng 12 hŏng lu boh tŭ êdah kdlưn, blŭ hrăm gĭt gai knăm anei, Trần Cẩm Tú mtă: Tal sa brei ksiêk kjăp bruă hluê ngă Asăp mtrŭn mrô 01 mơ̆ng Phŭn bruă kđi čar lehanăn ksiêm dlăng dŭm klei bhiăn mă bruă, kiă kriê, mđing kơ dŭm bruă phŭn. Tal dua, jing ênoh krĭng mplĕ hră mơ̆ng êpul kahan krĭng nao hgŭm jing lu hlăm alŭ wăl prŏng. Mtă brei hluê ngă kjăp Asăp mtrŭn mrô 46 mơ̆ng Phŭn bruă kđi čar kơ hdră ksiêm dlăng jih bruă mprăp kơ klei ruah khua, rơ̆ng klei êđăp ênang djŏ hdră bhiăn, djŏ klei dưi, bruă klam mơ̆ng mnuih ƀuôn sang./.