Mñă klă ai tiê tiê mđĭ lar klei găl hlăm lam, čŏng ngă, čŏng mĭn, Khua knŭk kna mtă lŏ dơ̆ng păn kjăp leh anăn đăo knăl boh klei, kčĕ hdră bruă hŏng Đảng, Knŭk kna kơ lĭng kahan, bruă tuh tia mkra mjing lĭng kahan, mdrơ̆ng, msir mbruă, tŭ dưn boh klei, amâo brei kdjăt ôh. Pŏk ngă tŭ dưn hĭn klei bi mguôp bruă lĭng kahan hŏng klei mđĭ kyar bruă duh mkra - ala ƀuôn, mđĭ kyar mnơ̆ng dhơ̆ng mâo lu klei yua, duh kơ klei mđĭ kyar bruă duh mkra-ala ƀuôn, klei hdĭp mda mnuih ƀuôn sang.

Khua knŭk kna Phạm Minh Chính đăo knang, hŏng knhuah gru kdrưh kơăm, ai tiê bi hgŭm, êngiê, mlih mrâo, đua klam, gĭr jih hnơ̆ng, Êpul lĭng kahan drei klă sĭt srăng bi leh êdah kdlưn djăp bruă klam mâo jao, năng  djŏ leh anăn bi êlam kơ knhuah gru, rup lĭng kahan Awa Hồ “Sĭt suôr hŏng Đảng,  khăp kơ  mnuih ƀuôn sang; djăp bruă klam dưi bi leh, ya klei dleh dlan dưi găn jih, ya phung roh dưi  mblah jih”.