Ti anôk bi kƀĭn phung bi ala mâo klei blŭ kơ klei čih mkra dŭm hdră êlan kơư klei mkŏ mjing klei bhiăn, wưng păn bruă kƀĭn ala gưl XVI; čih mkra dŭm hdră êlan “Bi leh jih jang klei bhiăn Việt Nam hlăm ênuk gưl mrâo”. Hâo mdah kơ dŭm klei bhiăn, hdră êlan, hdră mă bruă prŏng kơ dŭm hdră êlan mơ̆ng Đảng kơ klei mđĭ kyar bruă duh mkra êngao knŭk kna hlue hdră mtrŭn mrô 68 mơ̆ng phŭn bruă kđi čar, hâo mdah kơ dŭm klei bhiăn, hdră êlan mghaih msir prŏng kơ klei bhiăn mơ̆ng Đảng kơ klei doh êƀăt mnơ̆ng ƀơ̆ng; hâo mdah boh tŭ dưn bruă bi leh klei bhiăn, hdră bhiăn wưng êgao, lehanăn bruă čuăn kơ mgi dih.

Klah čŭn klei bi kƀĭn, Khua gĭt gai Đảng Tô Lâm mtă kơ dŭm anôk bruă bi ksiêm duah, tŭ mă djăp ênŭm klei blŭ mơ̆gn phung khua kiă kriê hlăm Êpul kiă kriê bruă Đảng gưl dlông, lehanăn phung bi ala nao ti anôk bi kƀĭn čiăng bi mlih mkra, bi leh ênŭm klei hâo mdah, rơ̆ng bi mâo klei kjăp djŏ. Khua gĭt gai Đảng mtă kơ klei čih mkra hdră êlan wưng păn bruă mơ̆ng bruă kƀĭn ala gưl XVI, hlăm klei dôk bi leh, kñăm čiăng mâo mtam hlăm thŭn 2026 dŭm mta bruă knơ̆ng, mta yuôm bhăn mơ̆ng hră mơar klei bi kƀĭn prŏng  kluôm al 14 mơ̆ng Đảng.