Êpul ngă bruă ksiêm dlăng anôk mplĕ hră mrô 8 ƀuôn hgŭm Ea Nuôl; alŭ wăl mplĕ hră mrô 60 lehanăn 61 ƀuôn hgŭm Buôn Ma Thuột; alŭ wăl mplĕ hră mrô 21 ƀuôn hgŭm Tân Lập. Anei jing dŭm anôk mplĕ hră mâo lu mnuih djuê ƀiă lehanăn mnuih ƀuôn sang mâo klei đăo, snăn bruă prăp êmiêt kjăp hĭn, rơ̆ng bi djŏ hŏng klei kčah čuăn.

Ti anôk ksiêm dlăng, Khua bruă Đảng čar Lương Nguyễn Minh Triết mbĭt hŏng êpul ngă bruă lŏ dơ̆ng ksiêm wĭt jih jang bruă, anôk mplĕ hră, bruă hâo hưn, bruă răng mgang klei êđăp ênang lehanăn dŭm bruă drông mnuih mplĕ hră hlăm hrue ruah khua.

Khua bruă Đảng čar Đắk Lắk mntă kơ anôk bruă ruah khua dŭm alŭ wăl lŏ dơ̆ng ksiêm bi nik dŭm alŭ wăl ruah khua, mghaih msir bi leh dŭm mta bruă adôk gun kpăk, ksiêm bi nik kơ bruă răng mgang klei êđăp ênang, klei yan adiê ngă, amâodah klei ruă tưp, kăp hưn mthâo nanao dŭm boh klei mơ̆ng nah gŭ.

Mñă kơ klei mkŏ mjing bruă ruah khua rơ̆ng bi djŏ klei bhiăn, dưn yua jih klei êngiê ngă phŭn, Khua bruă Đảng čar Đắk Lắk Lương Nguyễn Minh Triết mtă kơ alŭ wăl mkŏ mjing klei ruah khua hnưm, bi leh jăk bruă mplĕ hră, lehanăn klei ksiêm yap hră mplĕ hŏng klei êđăp ênang, amâo mao klei soh čhuai, amâo lŏ wĭt mkŏ mjing ôh klei mplĕ hră. Lehanăn mđĭ hĭn klei bi ktưn, mjign ai êwa mơak mñai, mjing klei ruah khua mâo boh tŭ dưn prŏng lehanăn jing hrue mơak kơ jih jang mnuih.