Hlue si Hdră mtrŭn mơ̆ng Bruă kƀĭn ala, kluôm ala mâo 34 anôk bruă gưl čar, mâo 28 čar leh anăn 6 ƀuôn prŏng. Hlăm anăn mâo 23 anôk bruă knŭk kna gưl čar mrâo dưi bi mŭt mơ̆ng 52 čar, ƀuôn prŏng hđăp. 11 čar, ƀuôn prŏng dưi lui snăn. Hdră mtrŭn dưi ba yua mơ̆ng hruê dưi bi mklă, 12/6/2025.

Hdră mtrŭn mtă: dŭm anôk bruă hlue si klei dưi mjêč ngă bruă mprăp čiăng êdi rơ̆ng kơ bruă sang čư̆ êa alŭ wăl ti dŭm čar, ƀuôn prŏng mkŏ  mjing leh bi mŭt klă sĭt ngă bruă mơ̆ng hruê 1/7/2025. Mbĭt anăn mkŏ dăp, bi leh mkŏ mjing êpul mă bruă bi leh mkŏ mjing êpul mă bruă dŭm anôk bruă, êpul bruă ti alŭ wăl; đru, hmao msir mgaih klei dleh dlan, gun kpăk mơ̆ng phung knuă druh, phung mă bruă hmăi djŏ mơ̆ng bruă mkŏ dăp, rơ̆ng klei êđăp ênang ala ƀuôn, klei dưi leh anăn klei tŭ djŏ klei bhiăn, djŏ klă mnuih ƀuôn sang, anôk bruă duh mkra leh anăn klei čiăng mđĭ kyar bruă duh mkra - ala ƀuôn, lĭng kahan, klei êđăp ênang alŭ wăl.