Hluê si klei čih mơ̆ng bruă klei mrâo ala čar Malaysia - BERNAMA, hdră ruah khua dưi mkŏ mjing djŏ hŏng wưng Việt Nam dôk mtrŭt mđĭ bruă bi leh hdră mtrŭn mkăp kơ dŭm mta kñăm mđĭ kyar hlăm wưng sui. Klei hưn lač klă, hdră ruah khua kluôm amâo djŏ jing wưng mnuih ƀuôn sang kluôm ala hluê ngă klei dưi, bruă klam, ruah mnuih bi ala êdah kdlưn kơ klei mĭn čiăng mơ̆ng pô mŭt hlăm anôk bruă kƀĭn ala lehanăn Êpul gơ̆ng bruă ƀuôn sang dŭm gưl hlăm wưng păn bruă mrâo, ƀiădah anei lŏ jing wưng pŏk ngă klă klơ̆ng Hdră mtrŭn Klei bi kƀĭn tal XIV mơ̆ng Đảng Cộng sản Việt Nam, mguôp hŏng hdră knuă druh lehanăn klei đua klam mơ̆ng dŭm gưl, dhar bruă.

Ti China, bruă klei mrâo Tân Hoa xã mñă leh hnơ̆ng lehanăn hdră mkŏ mjing klei ruah khua, brei thâo giăm 79 êklăk čô mnuih Việt Nam nao mplĕ hră čiăng ruah 500 čô bi ala bruă kƀĭn ala gưl XVI, mbĭt anăn ruah phung bi ala Êpul gơ̆ng bruă ƀuôn sang dŭm gưl hlăm wưng păn bruă mrâo. Msĕ snăn, hră klei mrâo Nikkei Asia mơ̆ng Japon ăt tĭng dlăng hdră ruah khua jing wưng mnuih ƀuôn sang ruah phung bi ala čiăng bi ala kơ klei blŭ lehanăn boh tŭ dưn kơ pô./.