Tui si klei hưn mthâo, ênoh jih jang mnuih ƀuôn sang nao ruah khua hrue mbrue jing: 76 êklăk 516 êbâo 637 čô mnuih, hlăm anăn mnuih nao mplĕ hră jing truh  76 êklăk 043 êbâo 527 čô mnuih (djăp 99,38%). Čar Lào Cai jing čar bi leh êlâo hĭn, mbĭt hŏng ƀuôn prŏng Huế jing 2/34 alŭ wăl djăp 100% ênoh mnuih nao ruah. Boh nik, čar Lào Cai mâo 173 čô mnuih nao ruah jing 100 thŭn kơ dlông.

Klei ruah khua, mâo dŭm anôk bruă hâo hưn hlăm kluôm ala, lehanăn mơ̆ng ala tač êngao tui ksiêm jih jang klei ruah khua ti dŭm boh čar, ƀuôn prŏng, dŭm alŭ wăl mplĕ hră. Mđing kơ bruă klei dưi êngiê  mơ̆ng phung khua kiă kriê  Đảng, Knŭk kna êpul lĭng kahan, mnuih khua thŭn phung mda asei nao ruah khua, mnuih ƀuôn sang djăp djuê ana, dŭm klei đăo, mnuih ƀuôn sang ti knông lăn, plao ksĭ, krĭng čư̆ čhiăng dŭm alŭ wăl dleh dlan… Mơ̆ng anăn brei ƀuh, kleỉuah khua mâo mkŏ mjing hŏng klei êngiê, djŏ hdră êlan tui si klei čoh čuăn mơ̆ng hdră bhiăn, mâo bruă klam, lehanăn bŏ hŏng klei hơ̆k mơak kơ jih jang mnuih./.