Khua phŭn bruă hŏng tač êngao Việt Nam- China bi trông kơ hdră êlan kluôm
Thứ hai, 10:40, 16/03/2026
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Tlam mbrue 15/3, Lê Hoài Trung, Khua phŭn bruă hŏng tač êngao mâo leh klei bi trông hŏng Khua phŭn bruă tač êngao China Vương Nghị, ƀri dua ala čar mkŏ mjing keli bi kƀĭn tal 17 dhar hgŭm dua nah, lehanăn klei bi kƀĭn tal sa bi trông kơ hdră êlan kluôm bruă hŏng tač êngao, bruă lĭng kahan lehanăn kahan ksiêm Việt Nam - China.
Bi tŭ ư hŏng dŭm knhuang đĭ kyar jăk, kluôm ênŭm klei bi mguôp Việt nam – China hlăm wưng leh êgao, dua čô khua phŭn bruă hŏng tač êngao bi tŭ ư lŏ hyuă kjăp hĭn klei bi hgŭm gưl dlông, ngă jăk jih jang hdră êlan leh bi tŭ ư, rŭ mdơ̆ng yang ƀuôn kjăp plah wah Việt Nam – China hlue hŏng hdră “6 klei jăk hĭn” mprăp kjăp jih jang klei bi hgŭm, klei bi mtuôm gưl dlông, lehanăn dŭm gưl, mđrăm mbĭt hŏng dŭm phŭn dhar bruă, alŭ wăl mjing klei đĭ kyar kjăp klei hgŭm dua Đảng, dua ala čar đĭ kyar hlăm knhuang mrâo.
Mâo klei bi trông čhai kjăp, klă mngač kơ dŭm boh klei hlăm êa ksĭ, lehanăn dŭm bruă dlông rŏng lăn, hlăm alŭ wăl dôk bi mđing./.
Viết bình luận