Mâo lu lăn dôk lăn duh mkra mnia mblei mâo yap leh hlăm ƀuôn prŏng Ƀuôn Ama Thuôt čar Daklak, ară anei jing lăn djiê, lăn kyâo mtah ngă hmăi djŏ hŏng anôk mkra mjing mơ̆ng lu phung duh mkra. Ti anôk bi kƀĭn plah wah phung khua kiă kriê knơ̆ng bruă sang čư̆ êa ƀuôn prŏng hŏng phung duh mkra mâo mkŏ mjing leh hrue mbrue, lu phung duh mkra lač kơ klei dôk gun kpăk anăn, lehanăn čang hmăng mâo knơ̆ng bruă sang čư̆ êa ƀuôn prŏng Ƀuôn Ama Thuôt mâo hdră ruh mgaih, pral čoh čuăn krĭng duh mkra, čiăng mâo hdră duh bi liê bi djŏ.

Phung duh mkra lač hlăm bruă bi mlih mta kñăm djă yua lăn, hlăm klei čuăl mkă mrâo adôk amâo mâo thâo bi djŏ ôh hŏng klei čuăl mkă hđăp. Wĭt lač kơ klei anei, Vũ Văn Hưng, Khua knơ̆ng bruă sang čư̆ êa ƀuôn prŏng Ƀuôn Ama Thuôt, čar Daklak ƀuh leh klei amâo mâo djŏ anăn, kbiă hriê mơ̆ng dŭm anôk bruă čuăl mkă ka djŏ, lu anôk bruă năng lŏ mâo klei kčĕ đru, kreh ngă bruă hlăm klei soh čhuai. Čiăng mghaih msir klei anei Vũ Văn Hưng brei thâo: ƀuôn prŏng hlăk dôk čuăl mkă kluôm, leh bi ruĕ bruă srăng lŏ wĭt mkra, lŏ jao wĭt lăn djŏ hŏng lăn mnuih ƀuôn sang êlâo dih./.