Brei thâo Việt Nam mprăp jing kdrông mkŏ, đru mtrŭt mđĭ klei bi mguôp mơ̆ng Qatar, UAE, Saudi Arabia hŏng ASEAN leh anăn dŭm ala čar Ngŏ Dhŭng Asi, Khua knŭk kna mñă kơ dŭm ala čar mtrŭt mđĭ klei bi mguôp mơ̆ng Việt Nam hŏng Êpul gơ̆ng bi mguôp krĭng kplang (GCC), đăo knang Pô bi ala leh anăn dŭm anôk bruă bi ala dŭm ala čar lŏ dơ̆ng bi lar bruă klam jing kdrông mkŏ, hur har đru mguôp hĭn kơ bruă bi kjăp leh anăn mtrŭt mđĭ hĭn klei mjĕ giăm, bi hgŭm mguôp plah wah Việt Nam leh anăn Saudi Arabia, UAE, Qatar.

Phung bi ala mñă klă, Saudi Arabia, UAE, Qatar dlăng yuôm bhăn klei bi mguôp hŏng Việt Nam, mbĭt anăn čiăng lŏ pŏk mlar, ngă kdrông mkŏ bi mguôp plah wah ASEAN leh anăn GCC. Lač ară anei klei bi mguôp Việt Nam hŏng dŭm ala čar dôk jăk êdi, phung bi ala đăo knang hlăm wưng kơ anăp, klei mjĕ giăm Việt Nam hŏng 3 ala čar srăng mtrŭt mđĭ ktang, klă sĭt hĭn, hnưm dưi mâo jih jang dŭm mta kñăm mâo dua tĭng bi êdah leh msĕ hŏng klei bi êdah mơ̆ng Khua knŭk kna.