Hluê si Knơ̆ng bruă tuh tia čar Lâm Đồng, đăo knăl klei bleh ba yua hlăm wưng knhal jih thŭn leh anăn wưng tết Nguyên đán Ất tỵ 2025 mơ̆ng čar đĭ 5% mkă hŏng thŭn êlâo. Čiăng bi mâo djăp klei čiăng blei ba yua mơ̆ng anôk mnia mblei, phung mnia mblei, phung mkăp brei hlăm alŭ wăl mkăm pioh leh mnơ̆ng dhơ̆ng mâo ênoh truh 1.820 êklai prăk, lu jing hlăm 5 mta mnơ̆ng čiăng êdi msĕ hŏng mnơ̆ng ƀơ̆ng huă, mnơ̆ng ƀơ̆ng mtah, boh mnga leh anăn êa săng êa pui.

Trần Như Hùng Tấn, khua kiă kriê sang mnia prŏng ti ƀuôn prŏng Đà Lạt brei thâo, êngao kơ rơ̆ng kơ hnơ̆ng tŭ jăk đru kơ klei blei ba yua, sang mnia lŏ ngă hră bi hơĭt ênoh ênil, bi klă hdră êlan čhĭ mnia čiăng amâo mđĭ ênoh hŏng lu mta mnơ̆ng dhơ̆ng.