Čar Dak Lak mđĭ hnơ̆ng bruă mtô mjuăt bi hriăm
Thứ sáu, 10:57, 08/08/2025
VOV TAYNGUYEN
VOV TAYNGUYEN
VOV.Êđê- Mă bruă hŏng knơ̆ng bruă mtô mjuăt leh anăn bi hriăm, Tạ Tuấn Anh, Khua bruă sang čư̆ êa čar Dak Lak mñă kơ dhar bruă čŏng pô mkŏ mjing “Hdră êlan mđĭ kyar bruă mtô mjuăt bi hriăm čar Dak Lak wưng thŭn 2025 - 2030”, hlăm anăn ksiêm wĭt kluôm dhuôm dŭm klei bi hmô dôk dưn yua, lăm lui hdră êlan, mđing truh kơ boh tŭ dưn klă klơ̆ng.
Êjai dŭm boh tŭ dưn kơ phung hđeh sang hră kdlưn hĭn, mtô mjuăt bi hriăm dưi mâo lu boh tŭ dưn, hnơ̆ng tŭ jăk bruă sang hră mơar khă bi mâo ăt jing boh klei čiăng bi mlih mơ̆ng bruă mtô mjuăt bi hriăm Dak Lak. Puăng kah knar klei bi lông bi ruê̆ gưl tlâo dŭm thŭn êgao mơ̆ng čar dôk nao dơ̆ng hlăm êpul knhal ttuč.
Dua gưl hrŏng mă adŭ 10 mrâo anei, puăng kah knar 3 mta bi lông ti alŭ wăl nah yŭ mâo ƀiă êdi. Mbĭt hŏng anăn jing klei kƀah nai mtô, kƀah kdrăp yua mtô bi hriăm, lu adŭ hriăm êjai, bi kpleh plah wah dŭm krĭng mâo klei găl leh anăn krĭng dleh dlan. Tạ Anh Tuân lač, dŭm boh klei anei čiăng hnưm dưi mgaih msir čiăng mđĭ hnơ̆ng bruă mtô mjuăt leh anăn bi hriăm mơ̆ng čar.
Viết bình luận