Kkuh čhưn hŏng Shoigu lehanăn êpul khua êmua gưl dlông Êpul gơ̆ng bruă răng mgang klei êđăp ênang Russia hriê kơ Việt Nam, Khua gĭt gai Đảng Tô Lâm lač, ƀri gưl hriê čhưn anei jing yuôm bhăn êdi, lŏ hyuă kjăp hĭn klei bi hgŭm anôk bruă răng mgang klei êđăp ênang, lehanăn bruă lĭng kahan, mbĭt hŏng lu bruă hgŭm mkăn.

Khua gĭt gai Đảng mñă, Việt Nam srăng lŏ mđĭ hĭn, lehanăn mjing kdrông pioh kơ Russia hyuă kjăp hĭn klei bi hgŭm hŏng ASEAN lehanăn hŏng dŭm ala čar hlăm ASEAN. Dua nah lŏ bi trông kơ klei hgŭm mkăn hyuă kjăp klei bhiăn duh mkra mnia mblei, pŏk phai bruă hgŭm êa pui êwa čuh, bruă lŏ hma, bruă mkra mjing masin lehanăn kdrăp mrâo, lehanăn klei bi hgŭm dŭm alŭ wăl, phung duh mkra lehanăn êpul hgŭm bruă duh mkra dua ala čar, kñăm mâo boh kdrŭt mrâo kơ klei bi mguôp dua nah./.