Pŏk ngă Hdră mtrŭn 204 mơ̆ng Anôk dlăng bruă Đảng kơ hdră mlih mrô hlăm dŭm anôk bruă Đảng. Hlue si hdră ngă bruă mơ̆ng Anôk dlăng bruă Đảng ƀuôn prŏng, truh thŭn 2030, Đà Nẵng gĭr ktưn mâo klei thâo kreh knhâo, kdrăp mrâo leh anăn mlih mrâo mbruă mơ̆ng ƀuôn prŏng mâo hnơ̆ng mrâo mrang, hlăm êpul dŭm čar, ƀuôn prŏng hlăm gưl dlông ba anăp kluôm ala leh anăn dŭm êpul ƀuôn prŏng ba anăp mơ̆ng krĭng Ngŏ Dhŭng Asi;

Ênoh mrô mlih mrô, mđĭ kyar Knŭk kan điện tử, êđăp ênang klei hâo hưn hlăm internet leh anăn bruă mkra mjing vi mạch bán dẫn, yua klei thâo anak mnuih alŭ wăl hlăm êpul 03 leh anăn ênoh mrô mlih mrâo mbruă gưl alŭ wăl PII hlăm êpul dŭm čar, ƀuôn prŏng hlăm gưl dlông ba anăp kluôm ala; mâo ƀiă êdi 1 anôk bruă duh mkra kdrăo mrô bi knar hŏng dŭm ala čar mrâo mrang ngă bruă ti ƀuôn prŏng. Ƀuôn prŏng bi leh  mkŏ mjing ƀuôn prŏng thâo mĭn mkŏ, hrăm mbĭt hŏng êpul ƀuôn prŏng thâo mĭn hlăm ala čar leh anăn krĭng Ngŏ Dhŭng Asi; mơ̆ng thŭn 2025, Bruă sang čư̆ êa ƀuôn prŏng gĭt gai hlăm ênoh mrô leh anăn hlăm bruă mrô.