Container kphê kpŭng mơ̆ng anăn knăl Miss EDE ba čhĭ ti Mi mâo 18 êbâo hruh kphê kpŭng. Anei jing kphê mơ̆ng anôk bruă mguôp hnư bruă mnia mblei lehanăn dŭm bruă nah tluôn mơ̆ng Anôk bruă pla mjing EDE, dưi đŭng hruh ti Việt Nam.

Kphê anei dưi mkra djăp hnơ̆ng čuăn FDA MI. Kphê yua mkra dưi pla ti krĭng pla mjing hơĭt kjăp amâo čhŭ luă lăn dliê, djăp hnơ̆ng čuăn EUDR lehanăn mâo anôk bruă Simexco Dak Lak kriê dlăng. Anôk bruă duh mkra blei anei dôk ti tiểu bang Illinois (Mi), srăng mkăp kơ dŭm anôk čhĭ mnơ̆ng ti alŭ wăl, pŏk klei găl kơ mnuih blei yua Mi dưi thâo lehanăn mđĭ anăn knăl kphê Việt Nam hlăm wăl anôk mnia mblei kphê tar rŏng lăn. Hŏng bruă lŏ mâo sa anôk bruă duh mkra ti Dak Lak ba čhĭ kphê kpŭng truh ti Mi jing klei găl čiăng kơ kphê Việt Nam mñă klă kơhưm ti dŭm wăl anôk mnia mblei pprŏng tar rŏng lăn./.