Dak Lak ba mdah anăn knăm mrâo leh bi mbĭt hŏng Phú Yên
Thứ tư, 09:58, 11/03/2026
Pô mblang: Y -Ƀel Êban
Pô mblang: Y -Ƀel Êban
VOV.Êđê - Aguah mbruê 10/3, Bruă sang čư̆ êa čar Dak Lak mkŏ mjing knăm mđup brei klei pah mni bi lông mkra logo thâo kral anăn knăl čar Dak Lak leh anăn hdră kdŏ mmuñ ƀi bi hdơr 51 thŭn mblah dưi Ƀuôn Ama Thuô̆t (10/3/1975 - 10/3/2026), tŭ drông klei mplĕ hră ruah phung bi ala Bruă Kbĭn ala gưl 16 leh anăn bi ala Êpul gơ̆ng bruă ƀuôn sang dŭm gưl wưng thŭn 2026 - 2031..
Hŏng lu gưl hrŏng ruah, êpul mkŏ mjing mđup brei 4 klei pah mni mđĭ ai leh anăn 1 klei pah mni mrô 1. Klei pah mni mrô 1 kơ Hoàng Thị Thu Thảo, ti ƀuôn prŏng Đà Nẵng. Logo dưi mkra hluê boh blŭ mrâo mrang, khuăt, mă rup sang krum jing mta kñăm, jing bi hmô kơ dhar kreh Lăn Dap Kngư, mao mbĭt hŏng klei hdĭp êpul êya, ai tiê bi mguôp leh anăn knhuah dhar kreh dŭm djuê ana ti krĭng lăn Dak Lak.
Logo dưi ruah mă jing thâo kral anăn knăl mơ̆ng čar. Hlăm hdră, khua gĭt gai čar Dak Lak ngă hdră ba mdah logo klă klơ̆ng mơ̆ng čar. Mnơ̆ng bi hmô dưi hmăng hmưi đru rang mdah rup, knhuah gru leh anăn klei hmăng hmưi đĭ kyar mơ̆ng alŭ wăl hlăm wưng mrâo.
Viết bình luận