Đại tá Đinh Văn Hưng, Khua hlăm bruă Đảng čar, khua bruă kđi čar knơ̆ng gĭt gai lĭng kahan čar Dak Lak mñă klă, klei mblah dưi Ƀuôn Ama Thuôt jing gru mngač mơ̆ng ai tiê kdơ̆ng mblah jhŏng ktang, klei mĭn tŭ dưi mơ̆ng lĭng kahan leh anăn mnuih ƀuôn sang.

Mbĭt anăn mñăk ơ phung knuă druh, lĭng kahan hlăm čar lŏ dơ̆ng bi lar knhuah gru, mđĭ hnơ̆ng jăk klei hriăm mjuăt, mprăp kơ klei kdơ̆ng mblah, mkŏ mjing êpul kjăp ktang, bi mâo djăp klei čuăn hlăm boh sĭt mrâo.

Ti msat lĭng kahan čar Dak lak - anôk mdei mơ̆ng êbeh 2.300 čô jhŏng ktang djiê êngiă, hlăm ai êwa kdrưh kơăm, phung khua gĭt gai čar leh anăn phung bi ala mdưm kwang mnga, myơr brui mgưi ti anăp knưng bi hdơr, mâo mnĭt bi hdơr phung jhŏng ktang djiê êngiă kyua klei kdơ̆ng mblah sua wĭt klei êngiê djuê ana, hluh hlir lăn čar. Leh kơnăn, êpul bi ala nao myơr brui ngưi bi hdơr phung lĭng kahan djiê ti wăl anôk kriê pioh ala čar Sang mnă Ƀuôn Ama Thuôt - anôk tuôm krư̆ lu phung mnă kđi čar hlăm hdră kdơ̆ng mblah dŭm thŭn akŏ ênuk gưl tal 20 leh anăn ăt jing anôk mkŏ ming anôk bruă Đảng tal êlâo mơ̆ng čar Dak Lak (hđăp)./.