Hluê anăn, hnơ̆ng lăn mơ̆ng hdră êlan êran pral Khánh Hòa - Ƀuôn Ama Thuôt hlăm brô 30.000 m3, ară anei dôk bi mklin ti wăl mrô 4, să Vụ Bổn. Bruă mkra mlih klei ba yua lăn anei čiăng mkra êlan kơ ala ƀuôn ti să Krông Bông dưi ruah kyua mâo êlan dŭ mdiăng ƀiă hĭn mkă hŏng dŭm anôk mkăn. Ară anei, dŭm êpul êya djŏ tuôm dôk ngă leh hră mơar čiăng kơ knhal jih mlan 4 anei, phung ngă mkra srăng dŭ lăn lehanăn mkra êlan.

Kban yua kơ ala ƀuôn krông Bông dôk hlăm hdră mkŏ dăp, bi hơĭt anôk dôk kơ mnuih hiu dôk ti să Vụ Bổn, kdriêk Krông Pač hđăp. Kdrêč phŭn mơ̆ng kban dưi ngă leh mơ̆ng knhal jih thŭn 2023. Khădah snăn, kyua adôk dŭm gŏ sang ka mbĕ đuê̆ lehanăn kƀah lăn čiăng lŏ mkra mđĭ êlan snăn truh kơ ară anei kban anei ka dưi ba yua. Pô ngă mkra mbĭt hŏng anôk bruă sang čư̆ êa alŭ wăl dôk mđing ruh mtlaih klei dleh dlan, gun kpăk, hnưm ba kban anei dưi ba yua hlăm mlan 6 thŭn anei./.