Ti anôk drông, Khua knŭk kna Lê Minh Hưng mpŭ kơ klei phung duh mkra Mi mđing čiăng duh bi liê ti Việt Nam, yap anei jing klei bi klă kơ klei găl hgŭm bruă duh mkra mnuia mblei lehanăn duh bi liê knư̆ hrue kjăp hĭn plah wah dua ala čar. Mñă kơ mta kñăm klei mđĭ kyar bruă duh mkra pral lehanăn kjăp, mđĭ klei hdĭp mda mnuih ƀuôn sang jing giê mkă. Khua knŭk kna brei thâo Việt Nam mđing bi kjăp hdră êlan mlih mrâo hlue hŏng kdrăp mrâo mrang, mlih mrâo hŏng klei knhêč lehanăn bi mlih mrô.

Việt Nam ƀuăn ruh mgaih jih klei dleh kpăk čiăng mjing djăp klei găl kơ phung duh mkra mơ̆ng ala tač êngao duh bi liê, boh nik phung duh mkra Mi. Yap Mi jing ala čar hgŭm yuôm bhăn tal êlâo, Khua knŭk kna čang hmăng lŏ mđĭ hĭn klei hgŭm kluôm dhuôm Việt Nam-Mi hŏng klei sĭt, kyuua klei tŭ dưn kơ mnuih ƀuôn sang, lehanăn kơ phung duh mkra dua ala čar, đru mguôp kơ klei êđăp ênang, mdrŏng sah hlăm alŭ wăl./.