Hlăm êdeh treng êran pral, Phung khua kiă kriê bruă duh mkra êlan êdeh treng China mâo leh klei hâo mdah pral hŏng Khua gĭt gai Tô Lâm kơ bruă mkra êlan êdeh treng, hlue anăn êlan êdeh treng hlăk dôk êran ti China mâo boh taih truh 165.000 km. Hlăm anăn êlan êdeh treng pral hlăm brô 54.000 km, djă akŏ dlông rŏng lăn lehanăn truh êbeh 70% ênoh boh taih jih jang êlan êdeh treng hlăm tar rŏng lăn.

  Bi êdah klei mơak, klei đĭ kyar bruă êlan êdeh treng êran pral ti China, Khua gĭt gai Tô Lâm čang hmăng dua ala čar lŏ dơ̆ng hgŭm kjăp hĭn bruă êlan klông, hlăm anăn mâo wăt êlan êdeh treng, kyua klei mđĭ kyar mtah, lehanăn klei đĭ kyar lăn čar. Ñu čang hmăng kơ phung khua kiă kriê bruă êlan êdeh treng China srăng kah mbha klei thâo pô lehanăn mâo klei đru hrăm mbĭt hŏng Việt Nam hlăm bruă mkra êlan êdeh treng ti Việt Nam.