Ti anôk bi tuôm, Khua anôk bruă kƀĭn ala Trần Thanh Mẫn mñă Việt Nam dlăng Kazakhstan jing ƀĭng hgŭm yuôm bhăn ti krĭng Krah Asi, mbĭt anăn bi mni bruă klam lehanăn kơhưm ƀrư̆ hruê ƀrư̆ đĭ mơ̆ng Kazakhstan hlăm tar rŏng lăn.

Kơ hdră bi hgŭm anôk bruă kƀĭn ala, Khua anôk bruă kƀĭn ala Trần Thanh Mẫn mtă kơ Anôk bruă kƀĭn ala dua ala čar mđĭ hdră bi trông êpul gưl dlông mơ̆ng Anôk bruă kƀĭn ala, êpul phung mă bruă mda asei, phung mă bruă mniê, dŭm dhar bruă lehanăn kah mbha klei thâo hluê ngă bruă ksiêm dlăng, vvih mkra klei bhiăn hluê hŏng dŭm bruă yuôm bhăn mơ̆ng ala čar; mđĭ hdră bi tuôm, đru kčĕ lehanăn bi hgŭm kjăp ti dŭm klei bi kƀĭn trông lu ala čar, krĭng wăl; lŏ dơ̆ng sa ai hlăm dŭm bruă dôk bi mđing./.