Bruă siñê kñăm mtrŭt mđĭ hdră bi mlih mrô kluôm dhuôm, mjing boh kdrŭt mđĭ kyar bruă duh mkra – ala ƀuôn mơ̆ng Dak Lak hlăm wưng ti anăp. Hluê si mta phŭn bi siñê, dua tĭng mđing bi hgŭm hlăm dŭm bruă phŭn mâo mđĭ kyar bruă knŭk kna mrô, anôk bruă nah gŭ mrô, hdră duh mkra mrô lehanăn yang ƀuôn mrô.

Mta phŭn jing pŏk ngă dŭm tur knơ̆ng bruă knŭk kna điện tử, kdrăp msir mghaih klei ngă hră mơar, kdrăp kriê dlăng thâo mĭn. MobiFone ƀuăn srăng hrăm mbĭt hŏng čar Dak Lak pŏk ngă Hdră bruă 06 mơ̆ng Knŭk kna lehanăn Hdră mtrŭn mrô 57 mơ̆ng Phŭn bruă kđi čar, đru mjing boh kdrŭt kơ bruă kreh knhâo mrâo mrang, mlih mrô lehanăn mlih mrâo ti dŭm alŭ wăl. Đỗ Hữu Huy, Khua knơ̆ng bruă sang čư̆ êa čar Dak Lak brei thâo, bruă siñê hdră bi hgŭm bruă kñăm mjing tur knơ̆ng pŏk ngă mđrăm mbĭt hdră bi mlih mrô hlăm kluôm čar./.