Čar Dak Lak ară anei mâo hlăm brô 10 êbâo čô dôk hdĭp, hrăm, mă bruă ti 29 ala čar leh anăn krĭng wăl. Hlăm 5 thŭn êgao, mnuih ƀuôn sang Việt Nam ti ala tač êngao leh anăn găp djuê đru mguôp êbeh 140 êklăk dolar Mi čiăng mkŏ mjing leh anăn mđĭ kyar ƀuôn sang, hur har nao hgŭm hlăm dŭm mta bruă bi hơĭt klei hdĭp yang ƀuôn, hdơr knga tla ai ti dŭm alŭ wăl, đru mguôp hlăm klei đĭ kyar bruă duh mkra ala ƀuôn mơ̆ng čar Dak Lak.

Nguyễn Tuấn Hà, k’iăng khua bruă sang čư̆ êa čar Dak Lak mnă klă, čar mđing hmư̆ dŭm klei blŭ mguôp mơ̆ng mnuih ƀuôn sang, knơ̆ng bruă leh anăn mnuih Việt Nam ti ala tač êngao, mkŏ mjing klei găl čiăng kơ mnuih ƀuôn sang leh anăn găp djuê lŏ dơ̆ng đru mguôp mkŏ mjing ƀuôn sang đĭ kyar. Hlăm hdră, hlăm ai êwa jĕ giăm, hơuh mđao, diñu dưi bi êdah ai tiê, klei hơ̆k mơak ti anăp dŭm klei mlih mơ̆ng ƀuôn sang, lăn čar.