Mlan 7/2025 – mlan tal êlâo leh Dak Lak bi leh klei bi mŭt gưl čar leh anăn ƀuôn hgŭm - bruă sang čư̆ êa alŭ wăl lŏ dơ̆ng ngă bruă kjăp, rơ̆ng ngă hdră kñăm mđĭ kyar bruă duh mkra - ala ƀuôn, mbĭt anăn kƀĭn kơ bruă mprăp kơ Klei bi kƀĭn bruă Đảng čar tal XVIII, wưng 2025-2030. Anei jing boh phŭn năng mđing lač hlăm Klei bi kƀĭn tal 3, Anôk dlăng bruă Đảng  čar gưl XVII, mkŏ mjing tlam 30/7. Kơ klei mđĭ kyar bruă duh mkra- ala ƀuôn, hlăm mlan 7, lu hnơ̆ng kčah mâo hnơ̆ng đĭ kyar jăk. Mkra mjing lŏ hma kjăp, rông mnơ̆ng amâo mâo klei ruă tưp; hnơ̆ng čhĭ liê mnơ̆ng dhơ̆ng mĭn tĭng mâo êbeh 9.600 êklai prăk, đĭ ƀiă mkă hŏng mlan êlâo.

Bruă mnia blei, hdră bruă kơrŭ wĭt ktang hŏng giăm 710.000 gưl tue hiu čhưn, đĭ 41%. Ênoh hrui wĭt prăk knŭk kna mĭn tĭng mâo êbeh 9.000 êklai prăk, mâo 67% hdră mĭn tĭng kơ thŭn. Khua dlăng bruă Đảng čar Dak Lak Nguyễn Đình Trung mtă kơ grăp čô hlăm Anôk dlăng bruă Đảng čar lŏ dơ̆ng ksiêm dlăng hnơ̆ng kčah, ruh mgaih klei dleh dlan hlăm bruă mkra mjing mnia blei, bi liê knŭk kna, mkra mlih hră mơar leh anăn hlue ngă hdră êlan đru kơ mnuih ƀuôn sang djuê ƀiă.