Kahan ksiêm čar Dak Lak brei thâo, kluôm čar ksiêm dlăng, hrui mă leh klei hâo hưn mơ̆ng 12.308 čô kahan djiê êngiă, hlăm anăn 5.458 čô kahan djiê êngiă ka dưi bi mklă anăn. Hluê si ksiêm dlăng ară anei mâo 3.985 čô kahan djiê êngiă adôk găp djuê djăp klei găl čiăng hrui mă mta ADN hŏng ênoh kluôm 4.346 čô. Hlăm gưl 1, čar hrui mă leh êbeh 2.400 mta sinh phẩm ADN. Hlăm gưl 2 anei, mĭn tĭng lŏ hrui mă thiăm 1.671 mta.

Čiăng kơ bruă tŭ mă mta dưi mâo boh tŭ dưn, kahan ksiêm Dak Lak bi hgŭm leh hŏng dhar bruă djŏ tuôm, bruă sang čư̆ êa alŭ wăl ksiêm dlăng grăp čô, nao truh kơ dŭm gŏ sang tŭ mă klei hâo hưn, ktrâo lač leh anăn mblang hdră ngă bruă. Bruă anei dưi ngă hŏng klei răng, kyua grăp mta ADN ba hriê klei čang hmăng lŏ duah anăn pô, ba phung lĭng kahan djiê êngiă wĭt hŏng anăn pô leh anăn gŏ sang.