­4 čô nai mơ̆ng čar Dak Lak mâo mă anăn knăl phung nai êdah êdi mâo: Phạm Đăng Khoa, khua gĭt gai êpul mtrŭt mjhar klei hriăm hră mơar, Khua kiă kriê hđăp knơ̆ng bruă Sang hră mơar, Đỗ Tường Hiệp, k’iăng khua kiă kriê, aduôn Thái Thị Mỹ Bình, Khua adŭ bruă Knơ̆ng bruă sang hră mơar dak Lak leh anăn Quách Đình Bảo, khua kiă kriê sang hră gưl 1 Ea Hleo, kdriêk Ea Hleo.

Blŭ hrăm hơêč hmưi, khua bruă sang čư̆ êa čar Dak Lak čih yap leh anăn pah mni dŭm boh tŭ dưn, klei duh myơr mơ̆ng phung nai hŏng bruă sang hră mơar mơ̆ng čar hlăm wưng êgao. Mbĭt anăn hmăng hmưi hŏng klei gĭr ktưn, klei bi mguôp, sa ai hlăm klei gĭt gai, ktrâo lač  mơ̆ng phung knuă druh kiă kriê, klei gĭr mơ̆ng phung nai, phung mă bruă sang hră mơar, klei khăp hriăm hră mơ̆ng phung hđeh sang hră, bruă sang hră mơar mơ̆ng čar Dak Lak srăng êgao klei dleh dlan, dưi bi leh jăk bruă klam.