Anei jing bruă yuôm bhăn mđing kơ klei kkuh drông 80 thŭn hruê ruah khua kluôm tal êlâo mơ̆ng Bruă kƀĭn ala Việt Nam leh anăn kkuh drông Klei bi kƀĭn phung bi ala kluôm ala tal XIV mơ̆ng Đảng. Rup khua gĭt gai Hồ Chí Minh kyua Phŭn bruă lĭng kahan mđup brei tuh hŏng êa kông, mkra nik, bi êdah knuih jăk Awa Hồ. Rup ktrŏ 70kg, dlông 80 cm, mgăn 74cm, prŏng 35 cm.

Anei jing bruă ngă kđi čar yuôm bhăn snăk, bi êdạ klei hdơr knga, mpŭ kơ ai tiê prŏng prĭn Awa Hồ hŏng djuê ana Việt Nam. Anei ăt jing klei đăo knang, klei čang hmăng mơ̆ng Đảng, Knŭk kna leh anăn lĭng kahan mơĭt hŏng gưl bruă Đảng, bruă sang čư̆ êa leh anăn mnuih ƀuôn sang nah gŭ hlăm wưng đĭ kyar mrâo, đru lŏ dơ̆ng mđĭ lar ai tiê bi hgŭm, sa anăn, mđĭ ktang bruă tui hriăm leh anăn hlue ngă knhuah mngač Hồ Chí Minh.