Leh hdră bi mŭt dua čar Dak Lak lehanăn Phú Yên, dŭm êtuh čô knuă druh, mnuih mă bruă mơ̆ng Phú Yên srăng hriê ti Ƀuôn Ama Thuôt (Dak Lak) mă bruă. Dŭm hdră đru kơ sang dôk, kdrăp găn êrô hlăk dôk tĭng dlăng. Klă klơ̆ng, leh bi mŭt mbĭt, srăng mâo hlăm brô 1.000 čô knuă druh, mnuih mă bruă mơ̆ng Phú Yên hriê ti ƀuôn prŏng Ƀuôn Ama Thuôt, čar Dak Lak čiăng tŭ ngă bruă klam.

Trương Ngọc Tuấn – Khua knơ̆ng ksiêm dlăng bruă knuă čar Phú Yên  brei thâo, anôk bruă djŏ tuôm dôk čih mkra hdră đru kơ sang dôk, êdeh êdâo găn êrô čiăng đru kơ phung knuă druh, mnuih mă bruă hơĭt ai tiê ngă bruă.  Ară anei dŭm hdră đru dôk pŏk ngă lehanăn tĭng dlăng klăklơ̆ng čiăng rơ̆ng boh tŭ dưn./.