Hlăm klei bi kƀĭn, Êpul gơ̆ng bruă ƀuôn sang čar Dak Lak ngă leh hdră brei mdei ngă K’iăng Khua Knơ̆ng bruă sang čư̆ êa čar hŏng Võ Văn Cảnh; mplĕ hră ruah mbŏ K’iăng Khua Êpul gơ̆ng bruă ƀuôn sang čar Gưl X, wưng 2021 - 2026 hŏng Võ Văn Cảnh, khua hlăm bruă đảng čar, K’iăng Knơ̆ng bruă sang čư̆ êa čar hđăp. Võ Văn Cảnh mâo 100% ênoh hră tŭ ư.

Võ Văn Cảnh kkiêng thŭn 1966, ƀuôn sang să Bình Giang, kdriêk Thăng Bình, čar Quảng Nam, mâo hnơ̆ng klei kơ kđi čar gưl prŏng; klei  hriăm kơ hdră bhiăn. Ăt hlăm klei bi kƀĭn, phung bi ala mplĕ leh hră ruah mbŏ K’iăng Khua Knơ̆ng bruă sang čư̆ êa čar Dak Lak gưl X, wưng 2021 - 2026 hŏng Trương Công Thái, Khua hlăm bruă đảng čar, Khua dlăng bruă Đảng êpul dŭm anôk bruă knŭk kna leh anăn anôk bruă duh mkra čar. Trương Công Thái mâo 100% ênoh hră mplĕ. Trương Công Thái kkiêng thŭn 1969, ƀuôn sang čar Quảng Bình; mâo hnơ̆ng hriăm kđi čar gưl dlông; klei hriăm kơ bruă duh mkra, nai prŏng bruă duh mkra đĭ kyar.