Dak Nông srăng bi hrŏ ƀiă êdi 20 % ênoh mnuih mă bruă ƀơ̆ng prăk mlan knŭk kna hlăm wang 5 thŭn. Nguyễn Thị Thu Hường, Khua knơ̆ng ksiêm dlăng mnuih mă bruă čar Dak Nông brei thâo, alŭ wăl dôk pŏk ngă kjăp Hdră mtrŭn mrô 18-NQ/TW hluê djŏ hdră kčah. Hluê anăn, čar mâo hdră mtrŭn brei mdei hdră ngă bruă hŏng 10 êpul êya bruă gưl čar; bi mŭt 10 knơ̆ng bruă jing 5 knơ̆ng bruă.

Bruă mkŏ dăp, ruah knuă druh, boh nik knuă druh kiă kriê ti dŭm anôk bruă bi mŭt mbĭt brei hluê ngă hŏng klei klă mngač, amâo lui bluh mâo klei amâo jăk, ba wĭt boh tŭ dưn kơ êpul. Mbĭt anăn, hdră mkŏ dăp, bi khuăt anôk bruă brei dưi mkŏ mjing hluê hdră dưi bi êdah jih bruă klam mơ̆ng hdră mkŏ dăp, ênoh mnuih mă bruă, anôk mă bruă êlâo lehanăn êdei mkŏ dăp./.